Повторно одложено рочиштето за „Транспортер“
Во скопскиот Кривичен суд денеска повторно беше одложено рочиштето за случајот „Транспортер“, во кој првообвинет е битолскиот градоначалник Владимир Талески. Денешното судско рочиште е одложено поради боледување на една од обвинетите.
Според судијката Лидија Петровска бидејќи поради тоа што од истата причина судењето е одложено по вторпат треба да се отвори можноста за издвојување на постапките.
Поради тоа, СЈО побара однапред да се закажат неколку рочишта и да се избегне понатамошно одложување.
Закажувањето на рочиштето за наредниот месец беше проблем за еден од обвинетите, Џими Мицевски да пристигне на судење, бидејќи во тој период ќе бил на закажана турнеја со групата „Молика“ во Австралија. Мицевски побара од судијката да се закажат рочиштата по неговото враќање од Австралија во јануари, бидејќи групата ќе трпела финансиски импликации.
Судот го закажа следното рочиште за 13 декември.
Во случајот „Транспортер“ се осомничени Талески и уште 20-тина лица за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО