Повредена жена во пожар во тетовско Теарце
Излегувајќи набрзина од семејната куќа во тетовско Теарце поради пожар, 82 – годишна жена паднала и ја повредила ногата. Пожарот се случил рано утринава околу 5 часот.
-На пожарот во куќата во Теарце интервениравме со две возила и шест пожарникари. Од огнот има голема материјална штета. Сметаме дека со интервенцијата спречивме да се прошири пожарот на куќа залепена до објектот каде имаше пожар. Повредена е мајката на сопственикот на куќата, која беше однесена со Брза помош во Клиничката болница за укажување медицински третман, изјави Ука Алити, командир на Тетовската противпожарна единица.
Неколку часа претходно тетовската пожарна интервенирала на пожар во фабрички погон за производство на мебел во селото Непроштено.
– Огнот започнавме да го гасиме околу 19 часот и до 20 часот беше локализиран и изгаснат, за среќа без повредени, рече Алити.
На пожарот во Непроштено интервенирале седум пожарникари со три возила.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг