Повеќе скопски општини утре без струја

Жителите од скопското село Бразда утре од 9:30 до 15 часот ќе бидат без струја. Во периодот од 8.30 до 9.30 часот без струја ќе бидат корисниците од улицата „Саса“ 4 (по ново ул. „1515“) и од улицата „Саса“ број 2 во општина Кисела Вода. 

Од 9 до 15 часот без струја ќе бидат дел од корисниците од железничка станица Ѓорче Петров, дел од селото Бардовци, улиците со броевите 10, 12 и 18 во општина Ѓорче Петров.

Без снабдување со електрична енергија утре од 8:30 до 14:30 часот ќе останат дел од корисниците од селото Љубош, а од 9.30 до 12 часот дел од корисниците од село Визбегово, дел од улицата број 3.

Од 9 до 14 часот без струја ќе бидат дел од Дуќанџик и дел од Старата скопска чаршија, а од 9.30 до 15 часот корисниците од улиците „Метохиска“, „Индира Ганди“ и корисниците од улицата „Гвадалахара“ во општина Шуто Оризари. Од 9 до 12 часот без струја ќе бидат дел од корисниците од улиците „Славеј Планина“, „Максут Садик“, „Топаана“, улиците „336“, „356“ и „358“ во општина Чаир.

Како што информира Регионалниот центар за управување со кризи на Град Скопје, граѓаните ќе останат без електрична енергија заради технички зафати во електросистемот.