Повеќе од илјада палестински затвореници започнаа штрајк со глад
Повеќе од илјада Палестинци, кои се наоѓаат во израелски затвори, започнаа денеска штрајк со глад, каков што немало долги години. Штрајкот започнал по повик на доживотно осудениот на затвор лидер на втората интифада (востание) Марван Баргути.
- Околу 1.300 палестински затвореници ќе штрајкуваат со глад и нивниот број веројатно ќе се зголеми во следните часови, изјави Иса Караки, висок претставник на палестинските власти.
Според портпаролот на невладината организација Клуб на палестинските затвореници, Амани Саранех, околу 1.500 затвореници одбиваат да јадат во знак на протест поради условите во затворите.
Портпаролот на израелската затворска управа, Асаф Лабрати истакна дека 700 лица најавиле вчера дека планираат да започнат штрајк со глад.
Во израелските затвори отслужуваат казна над 6.500 Палестинци, меѓу кои 62 жени и 300 малолетни момчиња и девојчиња.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка