Повеќе од 24 часа трае потрагата по Вања
Продолжува потрагата по 14 годишната Вања на која и се губи трагот од вчера наутро кога тргнала на училиште. Нејзината мајка на социјалните мрежи побара помош од граѓаните а случајот го пријавила и во полиција од каде велат дека по малолетничката интензивно се трагало и во текот на ноќта.
Се вршеле разговори со лица блиски на семејството и на девојчето а се проверуваат и снимките од сите расположливо камери на потегот од нејзиниот дом до училиштето како и просториите во околината.
Според информациите кои мајката утрово ги сподели со медиумите, Вања ја нема на ниту една од снимките кои полицијата ги собрала. Таа вели дека цела ноќ ја поминала во полиција и дека добива многу помош од другарите на нејзината ќерка.
Мајката вели дека утрото пред да излезе од дома, Вања била добро расположена и не се сомнева дека девојчето самоволно заминало некаде затоа што како што вели станува збор за мирно и повлечено дете во кое има целосна доверба.
Полицијата продолжува со потрагата, а по детето трагаат и блиски на неговото семејство.
Ново на Сител
-
СДСМ не дава поддршка за промена на државниот грб
-
Таравари: Етничките прашања можат да се решат во пакет со химната и државниот грб
-
СДСМ ја повикува власта да ги поддржат мерките за подобрување на животниот стандард на граѓаните
-
ВМРО-ДПМНЕ поднесува повеќе законски измени
-
Перински: Општините веќе имаат поднесено дваестина апликации за финансирање на инфраструктурни проекти
-
Во Штип ќе се градат три паркови со европски пари
-
Преглед на вестите од светот
-
Иницијативата „Кој е следен“ бара реформи во правосудството