Свет
15. December 2019 - 22:00

Повеќе десетици ранети во протестите во Бејрут

Полицијата и безбедносните сили синоќа ги протераа демонстрантите од центарот на градот, тепајќи и приведувајќи дел од нив.

Повеќе десетици лица се ранети во судирите што се случија во централниот дел на градот, меѓу демонстрантите и силите за безбедност.

Бранот демонстрации во главниот град на Либан против владеачката елита, заради што земјата западна во економска криза, трае од 17 октомври.

Бел чад се креваше од испуканите солзавци, а сирените на возилата на итната помош одекнуваа во текот на судирот.

Безбедносните сили пукале со солзавец и гумени куршуми, а демонстрантите им возвраќале со камења и обиди да ја пробијат металната ограда, со која е блокиран влезот во парламентот и седиштето на владата.

Неколку лица паднале во бесознание од солзавецот, јави либанската агенција ННА.

Цивилната одбрана соопшти дека мирот е вратен во центарот на Бејрут, додека спасувачката служба соопшти дека помош побарале 54 ранети лица, а повеќе од половината од нив биле префрлени во болниците низ градот.

Во судирот биле повредени и најмалку 20 полицајци, наведоа извори ов внатрешната безбедност. 

Популарно од Свет

Ново на Сител

© 2026 Сител Телевизија