Потпишани договори за проектите за регионален развој за 2018
Договори за реализација на 98 проекти за развој на планските региони, за развој на селата и за развој на подрачјата со специфични развојни потреби денеска беа потпишани во Владата.
Министерот за локална самоуправа Сухејл Фазлиу посочи дека Владата за 2018 година ги зголеми за повеќе од 50 отсто средствата за рамномерен регионален развој.
- Оваа година 4,5 милиони евра ќе бидат вложени во проекти кои ги предложија општините и планските региони врз основа на нивните приоритети. Главно станува збор за инфраструктурни проекти или проектна документација за поголеми проекти со цел да можат да се обезбедат дополнителни средства и од донаторски извори или од ИПА Програмата на ЕУ, рече Фазлиу. Додаде дека проектните предлози се предложени директно од локалните власти, а приоритетите се утврдени со граѓанскиот и бизнис секторот.
Фазлиу се осврна на финансиската рамка за реализација на проектите за регионален развој која за 2018 година изнесува безмалку 280 милиони денари.
- Конкретните средства за финансирање проекти за регионален развој се утврдени во буџетот на Министерството за локална самоуправа и на Бирото за региоанален развој, преку Програмата за рамномерен региоанален развој за 2018 година, рече Фазлиу.
За проекти за развој на планските региони се издвоени 196 милиони денари. Најмногу средства има за најмалку развиениот, Североисточниот, а најмалку за најразвиениот, за Скопскиот плански регион. Проектите за развој на подрачјата со специфични развојни потреби ќе бидат финансирани со 56 милиони денари, а проектите за развој на селата со 28 милиони денари.
Во име на корисниците на средствата се обрати градоначалникот на општина Гази Баба и претседател на Советот за развој на Скопкиот плански регион Борис Георгиевски соопшти дека принципот на солидарност е многу важен за рамномерен регионален развој.
На потпишувањето на договорите присуствуваа заменик-министерот за локална самоуправа Дејан Павлески, градоначалници и претставници од Центрите за развој на планските региони.
Ново на Сител
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис