Потпишан договор за изградба на кејската улица „Гоце Делчев“ во Оризари
Согласно Програмата за изградба на улици во градот и населените места во општината, Општина Кочани денеска потпиша Договор со компанијата „Жикол“ од Струмица, фирма којашто е избрана за изведувач на градежните работи од проектот Локален пат - ул. „Гоце Делчев“ за поврзување на село Оризари со регионалниот пат и град Кочани- прв дел.
- Општината планира да изврши доизградба на улицата „Гоце Делчев“ во селото Оризари во должина од 743 м, со ширина на коловозот од 7 м и тротоари од двете страни на коловозот со ширина од 1,5 м. Заради теренските услови ќе се градат потпорни ѕидови, ќе се врши пробивање на дел од улицата, подобрување на тлото на новопробиениот дел, тампонирање, поставување рабници, изградба на елементи за одвод на атмосферска вода, асфалтирање и изградба на тротоари.
Според градоначалникот на Општина Кочани Ратко Димитровски со изведбата на сообраќајницата ќе се добие една целина со што ќе се овозможи подобра сообраќајна врска и подобар пристап за влез во Оризари и поголема безбедност на сообраќајот.
- Грантот што го добивме со помош на ЕУ ИПА инвестицискиот фонд во износ од 260 илјади евра, истакна Димитровски, ќе придонесе за подобрување на квалитетот на живот и работните услови во селото Оризари, како и за поквалитетен и побезбеден проток на возила и подобрување на пристапот до регионалниот пат и поврзување со градот Кочани.
За овој потпроект од Проектот за подобрување на општинските услуги, се издвоени околу 56 илјади евра од општинскиот буџет.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228