Потоп во Шпанија: Водата навлегува во куќите, пожарникар загина додека одел на интервенција

Обилните дождови ја погодија јужна Шпанија и донесоа поплави, при што загина еден пожарникар - спасувач, соопштија денеска шпанските власти.

Службата за вонредни ситуации во јужниот регион на Андалузија соопштија дека пожарникарот исчезнал кога камионот му се превртел на поплавениот пат во текот на обилните дождови минатата ноќ.

Неговото тело е пронајдено утрово по пребарувањето.

 

 

На телевизиските снимки се гледа како водата навлегува во куќите, на улиците и мостовите во јужната провинција Малага.

 

Шпанската метеролошка служба издаде црвено предупредување за тоа подрачје.