Потер ќе добие 25 милиони евра обесштетување од Челзи

Раководството на англискиот фудбалски прволигаш Челзи ќе му исплати на својот поранешен тренер Грахам Потер обесштетување од околу 25 милиони евра, објави вчера „Скај спорт“.

Поради серија слаби резултати Челзи вчера му врачи отказ на Потер, кој од доаѓањето во септември лани ја предводеше лондонската екипа на 31 натпревари со учинок од 12 победи, осум нерешени и 11 порази.

Потер потпиша петгодишен договор со Челзи според кој требаше да заработува 13.65 милиони евра по сезона.

Лондонскиот клуб требаше да му плати на Потер обесштетување од 57 милиони, но Челзи постигна договор на својот поранешен тренер да му исплати околу 25 милиони евра компензација поради предвремениот раскин на соработката.