Поради птичјиот грип Бугарија ќе уништи уште 130.000 птици
Високо патогениот вирус на птичјиот грип од типот Х5Н8 досега е регистиран на 55 живинарски фарми во Бугарија, поради што во текот на денов ќе бидат уништени уште 130.000 домашни птици, соопшти денеска бугарската мнистерка за земјоделство Десислава Танева.
Со ова, како што јавија бугарските медиуми, вкупниот број на уништени птици во Бугарија од појавата на птичјиот грип кон средината на минатиот месец, ќе се зголеми на околу 430.000.
Според податоците на бугарските власти, од болеста најтешко е погоден реонот на Пловдив, каде се уништени и најголемиот број птици, пред се патки.
- Во Бугарија во изминативе години птичјиот грип главно ги погодуваше дивите птици. Ова е првпат да имаме волкава епидемија на живинарските фарми, изјави Танева.
Во рамки на мерките за спречување на ширењето на болеста, властите воведоа карантин околу фармите на кои се регистирани птици инфицирани со вирусот Х5Н8.
Покрај кај домашните птици, птичјиот грип во Бугарија е регистриран и кај четири диви патки.
Поради појавата на птичји грип во Бугарија во сила е забрана за трговија со живина и за лов на диви птици. За уништување на птиците на фармите каде е утврдена болеста, Бугарија досега потроши речиси 540.000 евра.
Ново на Сител
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час
-
Единаесет грански синдикати во КСС нема да протестираат по повод Меѓународниот ден на трудот
-
Девојче со тешки телесни повреди пренесено во прилепската болница
-
Вметнувани страници во пасош, приведен швеѓанин на Табановце
-
Санкционирани 131 возач во Скопје
-
Приведено лице во Стојаково, полицијата нашла марихуана во неговиот дом
-
Земјотрес од 4,3 степени според Рихтер во централна Хрватска