Поради пожар на инсталацијата, прекин на железничкиот сообраќај во Италија
Пожар на инсталациските кабли предизвика доцнење и хаос на главната железница во Италија, објавија италијанските медиуми.
– Сообраќајот на брзата железничката линија помеѓу Фиренца и Рим беше привремено прекинат и илјадници патници останаа заглавени на станиците. Возовите доцнеа до четири часа, а преку 40 беа откажани, соопшти државната железничка компанија РФИ.
Проблемот е предизвикан од пожар во инсталациската централа за контрола на брзите возови во Ровецано, во близина од Фиренца. Компанијата соопшти дека постои сомневање за намерно подметнат пожар. Од 5 до 8 часот по локално време целата линија помеѓу Фиренца и Рим, која ги поврзува северните и јужните делови на земјата, беше затворена.
Компанијата почна да ги поправа електричните кабли оштетени од пожарот.
Италија очекува и други нарушувања на сообраќајот оваа недела откако синдикатите повикаа на штрајк во јавниот транспорт, такси услугите, изнајмувањето автомобили и фериботите.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o