Поради ова заплака целиот свет: Пејачката на својата смртна постела се збогува од својата ќерка

Џои Мартин Фик, која што боледува од рак на матката, вели дека страшните болки единствено ги намалуваат нејзината ќерка и нејзиниот сопруг.

За американската кантри пејачка Џои Мартин Фик (40), веројатно досега и не сте слушнале, но нејзината судбина со сигурност ќе допре до вашите срца – таа умира од рак, свесна е дека деновите и се одбројани, па секој преостанат момент го користи за да биде во друштво на нејзината ќерка Индијана.

После долгата борба со ракот на матката и исцрпувачките хемотерапии, Џои и нејзиниот сопруг Рори кон крајот на месец октомври на својот блог објавија писмо кое што ги расплака и оние со најладно срце.

Џои помеѓу останатото напишала дека е свесна дека умира, и дека едноставно нема спас за неа. А големината на страшните болки единствено ја намалуваат љубовта на нејзиниот сопруг и ќеркичката. И инјекциите со морфиум...

Но, храбрата пејачка не се предава бидејќи секој нов ден е нова шанса за таа да ги прегрне својата ќерка Индијана и својот сопруг Рори.

А кога Џои ја објави фотографијата со својата ќерка, потресната фотографија ја пренесоа бројни медиуми ширум целиот свет.

За сето ова да изгледа уште потажно, повторно е актуелна песната "When I'm Gone", која што Џои и Рори ја снимиле пред три години, а која многумина ја опишуваат како нејзина проштална порака...