Полскиот министер за одбрана смета дека Русија системски се подготвува за агресија врз НАТО
Русија и натаму е сериозна закана за НАТО и Москва системски се подготвува за агресија врз Алијансата, изјави полскиот министер за одбрана Антони Мачеревич во интервју за денешното издание на весникот „Жечпосполита“, пренесува ТАСС.
- Целото однесување на Русија до овој момент зборува за системска подготовка за агресивни дејствија и е време да се проговори за тоа отворено, рече Мачеревич.
- Причините за последните инциденти во Балтичкото Море тој ги гледа во плановите на НАТО да го прошири своето присуство на источниот крило на Алијансата. Русија сака да покаже дека Балтикот „е зона забранета за НАТО". Тоа се типични активности за Русија, кога се доближуваме до прифаќање на решение, рече тој, мислејќи на самитот на НАТО, на кој Варшава ќе биде домаќин.
- Полска гледа на овие активности сериозно и смета дека тие се потврда за долгорочната закана за неа, за Централна Европа, а на крајот и за цела Европа, особено имајќи ги предвид силите кои Русија ги натрупа во Калининградската област, како и на други места долж западната граница. Тоа сили, потврдуваат дека агресивните процеси од страна на Русија се во развој и затоа заканата во моментов е сериозна, изјави Мачеревич.
Во однос на претстојниот состанок на Советот Русија-НАТО тој рече дека е потребно да бидат разгледани технички методи за спречување на инциденти, слични на оние во Балтичкото Море. - Но засега не гледам никакви сигнали од Русија дека е заинтересирана, туку напротив, таа користи слични инциденти и провокации како средство за притисок, рече министерот.
Ново на Сител
-
Гостиварец собрал 760 евра за лекување, со измама му ги земале парите
-
Крвава драма во Тетово: Еден прободен
-
Убиена дива свиња пронајдена во багажник, кривична за две лица
-
Мицкоски: Не можеме повеќе да прифаќаме ултиматуми
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН