Полска воведува нов данок за големите продавници
Полска планира да воведе нов данок за големите продавници за малопродажба, со кој нема да ги оданочува нивните приходи, туку непријатноста што овие продавници им ја предизвикуваат на градовите, изјави полската министерка за технологија и претприемништво Јадвига Емилевиц.
Данокот може да се наплатува поради зголемениот сообраќај кој го создаваат големите продавници и потребните инвестиции во патиштата, изјави Емилевиц.
Ако новата влада брзо се формира, овие закони би можеле да бидат претставени уште оваа година, а новиот данок би можел да стапи во сила на почетокот од 2020 година.
Данокот на сообраќаен метеж, секако, ќе биде прифатлив за Европската комисија, додаде Емилевиц.
Претходниот обид на Полска да оданочува продавници за малопродажба, со данок на приход со прогресивна даночна стапка, беше запрен веднаш по неговото воведување во 2016 година, откако Европската комисија изрази сомнеж за неговата усогласеност со регулативите на ЕУ.
Европскиот суд на правдата потврди дека данокот на доход е во согласност со регулативите на ЕУ по што Европската комисија ја обжали одлуката.
Оданочувањето на големите продавници за малопродажба, кои честопати се во странска сопственост, е едно од главните ветувања од кампањата на владејачката партија Право и правда (ПИС) уште од 2015 година.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“