Полска прогласи опасност од терористичка закана за Деновите на католичка младина

Полскиот премиер Беата Шидло го потпиша указот за прогласување прв степен на подготвеност за реакција при евентуална терористичка закана. Одлуката е донесена поради претстојните Денови на светската католичка младина, на кои Полска е домаќин од 26 до 31 јули, јави ТАСС.

Првиот или „Алфа“ е најнискиот степен во четиристепениот систем во Полска.

Според указот на Шидло, важноста на одлуката завршува на 1 август.

За деновите на Светската католичка младина во Полска ќе допатува и папата Франциско.

Согласно указот на Шидло, вториот или „Браво“ степен се воведува само во сферата на кибер безбедноста. Останатите два степена се „Чарли“ и „Делта“. „Делта“ степенот е највисок и се прогласува во случај на терористички акт или докази дека има голема веројатност за извршување терористички акт во Полска.