Положани: Пропустите се човечки, веднаш почнав со комплетирање на документацијата

Во врска со веста објавена во неколку медиуми, со која се пренесува информацијата на Државната комисија за спречување на корупцијата, дека врз ректорот на Универзитетот „Мајка Тереза” во Скопје, проф. д-р Азиз Положани ќе се спроведе прекршочна постапка заради недоставување анкетен лист за имотната состојба, ја информирам јавноста со следното:

Во времето кога јас бев избран за ректор на Универзитетот „Мајка Тереза“ во Скопје, Комисијата за спречување на корупцијата беше соочена со сериозни турбуленции што резултираа со оставки на членовите на комисијата, и покрај мојата добра волја не бевме во можност да добиеме прецизни инструкции околу обврските поврзани со Законот за спречување на корупцијата, во однос на  позицијата–ректор на универзитет.

Во оваа прилика би сакал да ве потсетам дека Универзитетот „Мајка Тереза“ е новоформиран универзитет, без претходно искуство и наследна функција на ректорот, што може да се должи на недоволното познавање на правните постапки, но не и поради непочитување на законот. Свесен за можноста да направам можен пропуст, ги поздравив предлозите на пријателите на универзитетот и веднаш започнав со барање начини за нивно надминување.

Затоа, како ректор и како универзитет, го поздравивме усвојувањето на новиот Закон за спречување на корупцијата и формирањето на Комисијата со нови членови, а истовремено ги проучивме обврските што произлегуваат од овој закон за раководителите на високообразовните институции, преземајќи конкретни чекори за исполнување на моите обврски како ректор на овој универзитет.