Полициска акција против поддржуачи на Фетула Гулен во Турција

Турската полиција спроведува акција за апсење на 115 лица осомничени за поврзаност со организација на исламскиот проповедник Фетула Гулен, кого Анкара го обвинува за организирање на обидот за државен удар минатата година.

Како што јавуваат турските медиуми, акциите за апсење се вршат во 15 области во Турција. Лицата се обвинети за финансирање на терористичка организација, фалсификување документи и други кривични дела. 

Од обидот за државен удар до сега во Турција беа уапсени 50.000 лица, а 150.000 офицери и државни службеници беа отпуштени од работа.