Полицијата спречи обид за самоубиство во Охрид
Четворица службеници од СВР – Охрид денеска спречија жена да скокне од петти кат на зграда на булеварот „Туристичка“.
Како што соопшти СВР – Охрид, четворица полицајци интервенирале по дојава на жител на Охрид, кој го пријавил случајот на полицијата како обид за самоубиство. Акцијата за спасување на жената траелa речиси цел час, во зграда во изградба на пресекот на „Туристичка“ со улицата „Абас Емин“. Претходно било извршено обезбедување на подрачјето околу зградата и преземени мерки за спречување на лицето во обидот за самоубиство.
Прво двајца од полицајците иницирале разговор со лицето, а истовремено другите двајца внимателно се приближиле до жената и во соодветен момент реагирале и ја одвлекле жената од неоградената тераса.
Станува збор за жена на возраст од 41 година, која безбедно била спуштена на приземјето и предадена на екипа на Службата за Итната медицинска помош од Охрид.
За акцијата претходно бил известен јавниот обвинител кој бил запознат со намерите на полициските службеници како и со исходот од преземените мерки
Ново на Сител
-
Израелската Влада нареди запирање на офанзивните операции во Појасот Газа
-
Сообраќајот тековно, по влажни коловози
-
Хамас се согласи да ги ослободи сите израелски заложници согласно планот на Трамп
-
Променливо облачно со сончеви периоди, температурите од - 1 наутро до 15 преку ден
-
Уапсен руски милијардер поради серија убиства
-
Судијката Диана Груевска Илиевска ќе го води судењето за пожарот во дискотеката „Пулс“ во Кочани
-
Најверојатно е Македонец загинатиот во експлозија во стан во Белград, подготвувал бомба за ликвидација на дилер на дрога
-
Поднесено обвинение против лице за демнење на неговата поранешна сопруга