Поларни температури низ цела Македонија - подгответе се!

Под влијание на значително постудена воздушна маса која веќе започна да се спушта од северните географски широчини во следните денови ќе услови значително пониски температури на воздухот а особено студено ќе биде наутро кога минималните температури на воздухот насекаде ќе се спуштат под нулата.

Времето ќе биде претежно стабилно, суво и без врнежи со исклучок на вторник попладне и навечер кога има услови за слаб локален снег.

Денеска ќе дува засилен ветер од северен правец и истиот ќе биде најизразен Долж Повардарието, како и на исток и југоисток, па локално можно е да достигнува брзина и над 80 км на час. Во ваква ситуација, ве советуваме да внимавате каде се движите, а вашите автомобили да ги ставате понастрана од дрвјата.

Минималните температури на воздухот во следниот период ќе се спуштаат во интервалот од -10 до -2 степени, додека понекаде истите е можно да се спуштат и под -10 степени, додека на планините и скијачките центри и околу -15 степени.

Максималните дневни температури на воздухот ќе се искачуваат во интервалот некаде од 0 до 7 степени.