Пол позиција за Лоренцо за атак на Роси!!!

Драмата за новиот шампион во Мото Џи Пи е потврдена на денешните квалификации за ГН на Шпанија што утре се вози во Валенсија.  Првиот чекор го направи Хорхе Лоренцо со освојувањето на пол позицијата од каде ќе ја нападне предноста од 7 бода на Валентино Роси кој поради  казната заработена по трката во Сепанг, ќе стартува од последната позиција и има навистина тешка задача да ја задржи предноста од седум поени.

 

Лоренцо постави нов рекорд за најбрз круг во Валенсија и со тоа го освои првото место во квалификациите пред Маркез и Педроса, додека Роси имаше непријатен момент во втората квалификациска сесија кога падна при влез во една од кривините, но за среќа мина без посериозна повреда. Утрешното „големо финале“ започнува од 14 часот.