Поднесено обвинение за три лица за трговија со дете
- Основното јавно обвинителство за гонење на организиран криминал и корупција поднело обвинение за три лица за трговија со дете.
- Основното јавно обвинителство за гонење на организиран криминал и корупција денеска до надлежен суд поднесе обвинителен акт против едно лице за сторено кривично дело „трговија со дете“ од член 418 г став 2 во врска со став 1 од Кривичниот законик, додека две лица – корисници на сексуални услуги се обвинети за кривично дело „трговија со дете“ од член 418 г став 4 во врска со став 3 од Кривичниот законик, соопшти Јавното обвинителство.
По спроведување на опсежна истражна постапка и прибирање на обемен доказен материјал, Обвинителството утврдило дека од почетокот на декември 2017 година до 6 февруари годинава, во Кавадарци, Радовиш, Штип и село Мислешево – струшко, прво обвинетата, со употреба на сила, сериозна закана и измама ја искористила немоќта на детето кое немало наполнето 14 години. Обвинетата заради експлоатација по пат на користење во сексуални активности, за паричен или друг надоместок ја превезувала, ја продавала, ја нудела на продавање, ја засолнувала и организирала присилен брак на детето.
Другите обвинети, како што стои во соопштението од Обвинителството, иако знаеле дека детето е жртва на трговија со луѓе, ја искористувале и овозможувале на друг повеќекратно искористување за сексуални услуги, со што го сториле кривичното дело за кое се товарат.
Како резултат за злоупотребата, детето останало бремено и било принудено да ја прекине бременоста.
Поради постапките на обвинетите детето во одреден временски период имало нарушена здравствена состојба, душевно трпело и чувствувала физичка болка од нанесени телесни повреди.
Заедно со обвинителниот акт, надлежниот јавен обвинител, ценејќи дека се исполнети законските основи, до судот доставил и предлог за продолжување на мерката притвор за тројцата обвинети.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден