Почнува реконструкција на објектот на Подрачната служба на ФЗО во Гевгелија

Почнуваат активностите за реконструкција на објектот на Подрачната служба на Фондот за здравствено осигурување во Гевгелија. По тој повод објектот денеска ќе го посети генералниот директор на Фондот за здравствено осигурување, Сашо Клековски.

Од Фондот за здравствено осигурување информираат дека Клековски ќе ја посети и Општата болница – Гевгелија, со цел непосредно да се запознае со функционирањето на установата, тековните активности, како и со предизвиците и потребите со кои се соочува здравствената установа.

МИА