Почнува првата проценка на новиот договор меѓу Грција и кредиторите
Техничкиот тим кој ќе ја изврши првата проценка на грчката економија во рамките на договорот за кредит ќе пристигне во Атина кон крајот на оваа недела.
Завршувањето на проценката е поврзано со исплатата на траншата од две плус една милијарди евра и договорот за порамнување на долгот.
Првите експерти кои ќе дојдат, се очекува да се фокусираат на фискални и банкарски прашања. Следните ќе се занимаваат со енергетски прашања и јавна администрација.
Според некои извори, првата фаза од проценката ќе заврши до 15 октомври и ќе биде околу тоа дали и до кој степен се исполнуваат одредбите од договор со кредиторите.
Втората фаза на евалуација ќе почне по 15 октомври и ќе се фокусира на буџетот за 2016 година, новата среднорочна рамка, системот за социјална заштита, новите мерки за оданочување и друго.
Претставниците на меѓународните институции се очекува да пристигнат во Атина по средбата на Еврогрупата на 5 октомври и ќе се вратат во ноември кога ќе бидат готови заклучоците од првата проценка.
Ново на Сител
-
Приведен 36-годишник од Дебар, упатувал закани со нож
-
Полициски службеник физички нападнат од едно лице на Средно Водно
-
Сообраќајна несреќа во Тетово, почина 68-годишен велосипедист
-
32-годишен маж физички нападнат од својата сопруга, го турнала и нивниот малолетен син
-
САД го отфрлија договорот на СЗО за пандемии
-
Акциска контрола на угостителски објекти, приведен 29-годишник, пронајдена е дрога
-
Претставничкиот дом на САД одобри продолжување на воената помош за Украина
-
Полицискиот хеликоптер исфрли повеќе од 35 тони вода врз пожарот во струмичко