Почнува 29-тата Поетска ноќ во Велестово
Во Велестово на падините на планината Галичица вечер во 21:00 часот започнува 29-тото издание на манифестацијата Поетска ноќ во Велестово која годинава е посветена на академик Ристо Василевски.
Манифестацијата ќе биде отворена со џез концерт на групата Караванија, по што следува поетски портрет на Ристо Василевски. Беседа за творештвото на Василевски ќе одржи поетот Бранко Цветкоски, а стихови ќе читаат Леа Новеска и Јован Цветкоски членови на НАТГ Аматер од Охрид.
Вечерта ќе продолжи со изложба на академскиот сликар Емил Шулајковски во тремот на црквата „Успение на пресвета Богородица“, по што следува мал коктел.
Програмата продолжува утре со посета на уметниците кои творат во рамки на АРТ ПОИНТ ГУМНО во Слоештица каде што ќе се одржи поетско читање.
Во недела во центарот за култура „Григор Прличев“ во Охрид ќе се одржи промоција на книгата „16 Бугарски поети“ во чии рамки ќе настапат гостите од Бугарија: Владимир Левчев, Поли Муканова, Аксинија Михајлова и Ани Илков
Ново на Сител
-
Земјотрес во Србија
-
Најмногу дожд на Попова Шапка во изминатите 24 часа
-
Герасимовски: Лицата со попреченост ќе може да користат бесплатен превоз до болница
-
Најчестите знаци на прекумерно внесување шеќер
-
Избрани останатите 10 финалисти на Евровизија
-
Реал и Борусија ќе добијат по 25.000 влезници за финалето на Вембли
-
Албанија и Србија со кандидатура за заеднички домаќин на Европското првенство за млади во 2027
-
Ѓорческа ја елиминира првата носителка на фјучерсот во Трнава