Почна лидерскиот состанок меѓу Мицкоски и Заев
Почна лидерскиот состанок меѓу лидерот на ВМРО-ДПМНЕ Мицкоски и на СДСМ Заев во Клубот на пратеници.
Нивната средба доаѓа по поканата која Мицкоски ја упати во Интервју за Сител минатата недела по што премиерот Заев веднаш прифати и договорија термин.
Покрај пописот кој што е една од клучните точки на несогласување, Мицкоски и Заев се очекува да разговараат и за изборниот модел и имплементацијата на законската обврска за воведување на гласање со отпечаток од прст. Меѓу темите секако ќе биде и деблокада на Собранието кое поради тенкото мнозинство на власта, ковид пандемијата но и внатрешните несогласувања во валдејчките редови веќе подолг период е надвор во функција.
Заев веќе изјави дека е подготвен да разговара за сите теми а не се исклучуваат ниту разговори за некоја широка влада за која двете најголеми политички партии исто така имаат различни концепции.
На лидерската средба ВМРО-ДПМНЕ оди со искрени намери, и желба да понуди решенија на граѓаните. На маса ќе се стават најжешките прашања, прашањето за влада, темата со пописот, како и дијалог за законите кои ќе значат вистински бенефит за граѓаните, брифираа утрово од опозициската партија.
Катерина Нешкова
Ново на Сител
-
Тема на денот со Стојанче Ангелов, директор на ДЗС
-
Мицкоски: 24 години по Рамковниот - Заедно сме посилни
-
Што е постигнато со Рамковниот договор на економски план?
-
Претседател на Антикорупциска ќе се избира после локалните избори
-
Мицкоски: Се прават натчовечки напори да се стави под контрола пожарот во ловиштето Јасен
-
Европа гори: Загинати, повредени и масовни евакуации
-
Нова формула за финансирање на основното и средното образование
-
Одблокиран процесот за лиценци кои се неопходни за работа во градинка