Почина познат актер за време на снимањето на реално шоу

Тајванско – канадскиот модел и актер Годфри Гао почина од срцев удар среде снимање во Кина.

Гао денеска снимал спортско реалити шоу во кинескиот град Нингбо, кога починал, јави неговата агенција JetStar Entertainment.

Според извештаите, 35-годишникот паднал додека трчал. Тој бил пренесен во болница, но веднаш бил прогласен за мртов, пренесува Си-Ен-Ен.

Гао беше првиот азиски модел на луксузниот бренд Луј Витон. Тој глумеше во бројни телевизиски драми и филмови, вклучувајќи ја и улогата во холивудскиот филм „The Mortal Instruments: City of Bones “.

Неговото тело ќе биде пренесено денес во Тајпеј, главниот град на Тајван, каде што е роден.