Почина полицаецот кој беше тешко повреден во инциденти со хулигани во Атина
Грчкиот полицаец, кој пред 20 дена беше сериозно повреден во инцидентите пред спортска сала во Атина за време на одбојкарскиот натпревар Панатинаикос-Олимпијакос, денеска им подлегна на тешките повредите, јави дописничката на МИА од Атина.
Полицаецот беше хоспитализиран во критична состојба, откако на 7 декември беше погоден во горниот дел од ногата со пиротехничко средство, кое се запалило, а претпладнево ја загуби битката.
За инцидентите беа приведени 424 лица, уапсен беше 18-годишен кој го фрлил пиротехничкото средство, а по сериозната повреда на полицаецот, грчката Влада воведе вонредни мерки за справување со спортското насилство, меѓу кои и одигрување без публика на сите фудбалски натпревари од првата лига до средината на февруари.
Грчкиот премиер Кирјакос Мицотакис преку социјалните мрежи денеска изрази жалење и сочувство за смртта на полицаецот и порача дека „казнувањето на убијците и искоренувањето на насилството сега веќе се прашање на чест за државата и општеството“.
Ново на Сител
-
Али: Локализиран пожарот над Лојане, селото целосно заштитено
-
Влеговме во Гинис и направивме реално шоу како се гради стартап | Сања Митровска | Sitel Podcast 109
-
На „Табановце се чека околу 40 минути за излез од државата
-
Поради пожарот во „Јасен“, затворен регионалниот пат Македонски Брод - Скопје
-
Полицијата ја спаси жената што се фрли во водите на реката Вардар
-
Коенигсег Џеско го победи Римак и си го врати рекордот за брзина за хиперавтомобили
-
Светот беше на чекор до победа над детската парализа, сега се заканува нејзино враќање
-
Германскиот канцелар Мерц ги поздрави напорите на Трамп за крај на војната во Украина