Почина актерката Кели Престон на 57-годишна возраст

Почина Кели Престон сопругата на Џон Траволта на 57-годишна возраст по долгогодишно боледување од рак на дојка.

„Со тага во срцето ве известувам дека мојата убава сопруга Кели ја изгуби битката со ракот на дојка. Никогаш нема да ја заборавиме неа и нејзината љубов. На некое време ќе се повлечам од јавноста со своите деца кои денес ја загубија нивната мајка. Простете ми ако не Ви одговарам на пораките.“ - напиша Траволта на неговиот инстаграм профил.

Џон и Кели се венчаа на 12 септември 1991 година, по една година го добија синот Џета, кој почина во 2009 година, а во 2000 ја добија нивната ќерка Ела Блу и 10 години подоцна во 2010 го добија синот Бенџамин.