„Побједа“: Демократскиот фронт се откажа од референдум за членството на Црна Гора во НАТО
Црногорската опозициска коалиција Демократски фронт (ДФ) офијално се откажа од планот за организирање „народен референдум" за членството на Црна Гора во НАТО, објави подгоричкиот весник „Побједа“.
Членот на Претседателството на коалицијата, која се противи на членството на земјата во НАТО, и лидер на Демократската народна партија, Милан Кнежевиќ изјави дека референдумот би требало да го организираат заедно со останатите опозициски партии - Демократи, Демос и Социјалистичката народна партија.
- ДФ смета дека одлуката за евентуално влегување на Црна Гора во НАТО мора да се донесе на референдум. Моментно, никој не знае дали ќе дојде до ратификација на протоколот во Сенатот на САД, затоа секоја конструкција околу натамошните потези на противниците на членството и на поддржувачите, би била релативна. Сепак, доколку сегашното парламентарно мнозинсво реши таа одлука да ја донесе во Собранието, тогаш ДФ, Демократите, Демос и СНП кои се залагаат за одржување референдум, ќе треба заеднички да организираат алтернативен референдум, како јасен показател дека мнозинството граѓани се против зачленувањето во овој воен сојуз, рече Кнежевиќ.
Некои експерти, како и власта, овој потег го оценуваат како неуставен.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024