Фудбал
8. October 2017 - 18:32

Победа против Лихтенштајн е важна за Македонија

Македонската фудбалска репрезентација утре во 20.45ч  го игра последниот квалификациски дуел за ЕП со селекцијата на Лихтенштајн.  Селекторот Ангеловски потенцираше дека не треба да има потценување кон ниту една екипа и многу е важно квалифкацискиот циклус да се заврши со победа. Еве ја неговата изјава од прес конференцијата во Струмица:

„Нè очекува последниот натпревар од овие квалификации, на гости ни доаѓа Лихтенштајн. Очекувам од моите фудбалери да влезат на овој натпревар како што тоа го правеа и на изминатите натпревари низ квалификациите, затоа што секогаш им говорам дека не е важно кој е на спротивната страна, туку како ќе го одиграме натпреварот. Барам да бидеме рамноправен тим против секого, без разлика на противникот во оваа група. Не само што бевме рамноправни, туку и бевме подобри од противниците, бидејќи добро знаеме како одредени натпревари ги загубивме. Пред нас е меч со противник кого го победивме на нивен терен и не бегаме од фаворитската улога. Ќе барам од моите фудбалери максимално да настапат за да го добиеме овој натпревар“, изјави Ангеловски.

 

фото гол.мк