По тенковите и авионите Северна Македонија ќе и ги донира 12-те хеликоптери „Ми-24“ на Украина
Северна Македонија е пред одлука да ѝ донира хеликоптери на Украина, која побарала ваква помош од земјава во борбата против агресијата од страна на Русија, Неофицијално, „360 Степени“ дознава дека ќе се ослободуваме од 12-те армиски хеликоптери „ми-24“.
Ова може да се заклучи од одговорот на Министерството за одбрана откако министерката Славјанка Петровска во телевизиски настап пред два дена откри дека на владина седница на 14 март била донесена одлука за нова донација за украинската армија.
Податокот за последната одлука е класифициран, но според одговорот, донацијата на хеликоптери ќе биде дел од следна одлука за уште една донација што се очекува наскоро.
„Одлуката од вторникот за воена помош на Украина е податок кој е класифициран. Ве информираме дека во согласност со побарувањата од украинска страна, во тек е изработка на анализа дали може да се одговори позитивно на нивното барање за донација на хеликоптери. При оваа анализа се земаат предвид плановите наведени во Долгорочниот план за развој на одбранбените способности, според кој се предвидува набавка на нови повеќенаменски хеликоптери кои треба да ги заменат постоечките. Согласно планот за модернизација на Армијата, работи Интегриран проектен тим кој е во фаза на евалуација на понуди од различни производители, за набавка на повеќенаменски хеликоптери за потребите на Армијата, но и за цивилна заштита и спасување“, стои во одговорот на Министерството.
Од друга страна се очекува и одлука за тоа какви и колку нови хеликоптери на западна платформа ќе бидат набавени за потребите на нашата армија.
Ново на Сител
-
Реални се шансите за раст меѓу 3,5 и 4 отсто во првиот квартал, смета Мицкоски
-
Лишен од слобода тетовец затоа што управувал возило со 2,16 промили алкохол во крвта
-
Мицкоски: ЕУ останува наша цел, но треба да научите да победувате во Вашингтон, Брисел, Берлин, Париз
-
Водата во Скопје безбедна за пиење
-
Mинатата недела отстранети 104 непрописно паркирани возила во општина Центар
-
Индија и Пакистан најавија директни преговори
-
Новата готвачка на Роналдо ќе заработи милион евра за една недела на јахта
-
„Скајп“ отиде во историјата