По компликации од коронавирусот почина познатиот музичар Ице Атанасовски

Познат македонски музичар почина по компликации од коронавирусот, а вестта за неговата смрт беше објавена на социјалните мрежи. „Познатиот музичар-саксафонист, нашиот драг и ценет пријател Ице Атанасовски од Битола почина од компликации со коронавирусот“, објавија на социјалните мрежи неговите роднини и колеги.

Музичарот претходно го прележал Ковид-19, но по некое време му се појавиле компликации со здравјето, како резултат на вирусот. Неговите колеги и пријателите со неверување се простуваат од Атанасовски на социјалните мрежи.

Ице Атанасовски е роден 18 ноември 1978 година во Битола и до пред некоја година беше член и на групата „Модус“.