По 2.300 евра за секој граѓанин, без разлика дали е вработен или не!

За шест месеци Швајцарците излегуваат на референдум - верувале или не, ќе гласаат за предлог според кој секој возрасен граѓанин, вработен или не, од државата ќе добива фиксен месечен доход.

Основниот фиксен месечен доход ќе изнесува 2.500 франци (околу 2.300 евра) за возрасни лица, а пензионерите и децата ќе добиваат нешто помала сума.

Оваа мерка има за цел да им овозможи на граѓаните да се посветат на нештата кои навистина ги интересираат, наместо да размислуваат како да ги задоволат своите финансиски потреби.

Со слична идеја претходно излезе и Владата на Финска, која најави воведување основен доход од 800 евра месечно.