ПМФЛ: Португалецот Рибеиро го напушти Башкими

Македонскиот прволигаш Башкими објави вечерва дека ќе ја продолжи сезоната во ПМФЛ без услугите на својот најдобар фудбалер Луис Рибеиро.

Како што објави кумановскиот прволигаш на социјалните мрежи, 25-годишниот португалски фудбалер ги напушта редовите на Башкими од семејни причини.

„Од семејни причини, со билатерален договор и разбирање, играчот и клубот одлучија да ја прекинат соработката. ФК Башкими 1947 изразува благодарност за сè што даде за нашиот дрес и му посакува многу успех во фудбалската кариера и среќа во семејниот живот“, се вели во клупското соопштение.

Рибеиро сезонава постигна шест голови на 12 натпревари во дресот на Башкими, кој е претпоследен на табелата со 10 бодови.

МИА