Пирло пред враќање во Јувентус

Светскиот шампион со Италија од 2006 година, Андреа Пирло преговара со својот поранешен клуб Јувентус, за да застане на чело на резервниот тим до 23 години, тврди „Кориере дела Сера“.

Идејата е 39-годишниот Италијанец да го преземе тимот од следната сезона, бидејќи актуелниот тренер Мауро Цинкорели не успева да се справи добро со своите обврски да го внесе тимот во Серија „Ц“.

Во моментов Пирло работи како аналитичар на фудбалските натпревари во етерот на „Скај Спорт Италија“, но веќе помина курсеви за соодветните тренерски лиценци.

Тој има четири сезони во дресот на „бјанконерите“, во кои освои седум трофеи, меѓу кои четири титули во Серија „А“.