ПФЛ: Триумф на Пелистер, реми на Вардар

Фудбалерите на Пелистер триумфираа во дуелот од првото коло од новиот шампионат на Македонија откако попладнево во „пелагониското дерби“ ја совладаа Победа со 2:0. Головите беа постигнати во вториот дел, а стрелци беа: Лукас во 76.минута и Антонио Бујчевски во 90+4 минута.

Поради казната од ланската сезона Вардар дуелот со Шкупи го играше како домаќин во Струмица и натпреварот заврши без победник 1:1. Вардар поведе преку Новак во 4.минута, а изедначи Адили во 19.минута.

Во Кочани, Брегалница и Ренова одиграа нерешено 1:1. Брегалница поведе во 50.минута преку Горан Здравков, а изедначи во 89.минута Висар Муслиу.

Шкендија и Силекс натпреварот ќе го одиграат утре со почеток во 17:30 часот, додека Македонија ЃП и Работнички ќе играат во среда.