Петровска - Јаин: Алијансата е побезбедна со Шведска во НАТО, над една милијарда луѓе посигурни
Министерката за одбрана Славјанка Петровска денеска се сретна со амбасадорката на Кралството Шведска во Северна Македонија, Ами Ларсон Јаин, на која и го честиташе полноправното членство во НАТО.
Како што соопшти Министерството за одбрана, Петровска рече дека членството на Шведска ја зацврстува Алијансата и безбедноста на над една милијарда луѓе во светот.
-Северна Македонија беше јасна во својот став за поддршка на шведското барање за приклучување кон најмоќната Алијанса во светот. Тоа го потврдивме и на 27 јули минатата година кога Собранието ги ратификуваше протоколите за влез на Финска и Шведска во НАТО. Нашата цел е иста – заштита на секоја педа НАТО територија и заштита на нашите граѓани, рече министерката и додаде дека она што нè врзува се вредностите на демократијата, слободата и почитувањето на меѓународниот правен поредок.
Амбасадорката Ларсон Јаин, како што наведува МО во соопштението, се заблагодари за јасната поддршка од Северна Македонија во периодот на приклучување на Шведска во НАТО.
-Таа додаде дека земјата е посветена на јакнењето на колективната безбедност на Алијансата, наведува Министерството за одбрана.
Шведска официјално се приклучи на НАТО како 32-земја членка на 7 март 2024.
Ново на Сител
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема