Пет начини да ги избегнете комарците
Иако сѐ уште е зима, со потоплото време минуваме повеќе време на отворено и, исто така, сѐ почесто ги отвораме прозорците навечер заради, колку-толку, посвеж воздух… Па, комарците и сега може да се појават во куќата.
Што да се направи во врска со тоа? Постојат многу начини за „одбрана“. Следуваат пет од, можеби, најефикасните…
1. Светла облека
Комарците најчесто напаѓаат кога Сонцето изгрева или заоѓа. Тие, така, вообичаено, бараат бои што се контрастни со хоризонтот, како што се црната или други потемни бои. Светлата облека е „помалку видлива“ за овие инсекти, а со тоа и помалку привлечна. Така, белата облека е одлична „маска“, ако не сакате да Ве нападнат.
2. Вентилатор
Тие не можат да летаат така добро, кога е ветровито. Дури и послаб ветер е голем проблем за нив. Значи, вентилаторот е нашата предност во оваа наша „вечна борба“ против непријателот.
3. Лаванда
Комарците го мразат мирисот на лаванда, па ако засадите неколку растенија лаванда во градината – тие ќе Ве посетуваат многу поретко. Може, исто така, и да се втрие лаванда на кожата,, во облик на есенцијално масло, на пр., за комарците да бегаат од Вас. Покрај тоа, лаванда е одлично средство за опуштање кај луѓето.
4. Лук
Овој метод ги брка и комарците, но и луѓето. По консумацијата на лук, човекот просто, помалку „мириса на човек“, и на комарците сѐ тоа не им е дотолку привлечно.
5. Каранфил
Покрај лавандата, комарците го мразат и мирисот на каранфил. Поставете едно цвеќе на маса во куќата или, на наткасната во спалната соба и – пријатниот, непрекинат сон е, речиси, загарантиран.
Ново на Сител
-
Голем пожар во Карпош, зафатени повеќе куќи
-
11-годишно дете се бори за живот по тешка сообраќајка на патот Прилеп–Градско
-
ЦУК: Активни осум пожари, 12 изгаснати, еден ставен под контрола
-
На „Табановце“ и „Богородица“ се чека околу еден час
-
Сиљановска-Давкова: „Галичка свадба“ ја отсликува македонската народна традиција и култура
-
Мицкоски: Автопатот кон Охрид со години беше симбол на застој- сега ќе биде симбол на успех и одговорна работа
-
Убиецот ги поканил роднините на гости, инсистирал да присуствува и детето - Расчистено е тројното убиство
-
Мицкоски присуствуваше на епископската хиротонија на архимандритот Георгиј