Песков одби да коментира дали руски трупи учествуваат во борбите во Сирија
Портпаролот на Кремљ, Дмитриј Песков денеска одби да коментира дали руски војници учествуваат во борбите во Сирија, откако либански извори изјавија дека руски сили се ангажирани во операциите на сириска територија.
- Заканата која ја претставува Исламската држава (ИД) е очевидна... Единствена сила која е способна да се спротивстави на тоа е сириската војска, истакна Песков, повторувајќи го ставот на официјална Москва дека нејзиниот сојузник, сирискиот претседател Башар ал Асад, треба да биде дел од меѓународните напори во борбата против џихадистичката група.
Тој додаде дека рускиот претседател Владимир Путин ќе зборува за Сирија и ИД во своето обраќање пред Генералното собрание на ОН кон крајот на овој месец во Њујорк.
Западните медиуми, повикувајќи се на „три либиски извори кои се запознати со политичката и воената ситуација во Сирија“, наведуваат дека „руски сили почнале да учествуваат во воените операции во оваа земја како поддршка на сириската војска“.
Руското Министерство за надворешни работи вчера соопшти дека Русија и испорачува воена техника на Сирија согласно меѓународното право и може, доколку е потребно, да разгледа и дополнителна помош за Дамаск во борбата против тероризмот.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“