Пендаровски: Св. Кирил и Методиј се патоказ за тоа како да истраеме и како индивидуи и како нација
Ние имаме особен долг и благодарност кон нивното дело, кое е наш духовен и културен темел, но и светоглед и залог за иднината. Св. Кирил и Методиј се и треба да ни останат патоказ за тоа како да истраеме и како индивидуи и како нација, напиша претседателот Стево Пендаровски во честитка по повод одбележувањето на 24 Мај, Денот на сесловенските просветители Св. Кирил и Методиј.
-Денот посветен на солунските браќа, кои не само што ги поставија темелите на духовноста и на писменоста кај словенските народи туку и инаугурираа идеи и дела исполнети со хуманост и со човекољубие и коишто имаат почитувачи и следбеници ширум светот, за нас е повеќе од празник. Ние имаме особен долг и благодарност кон нивното дело, кое е наш духовен и културен темел, но и светоглед и залог за иднината. Св. Кирил и Методиј се и треба да ни останат патоказ за тоа како да истраеме и како индивидуи и како нација, напиша Пендаровски.
Тој посочи дека и единаесет века по упокојувањето на Св. Кирил и Методиј, поборниците за вистината и неуморните заштитници на послабите и на обесправените, сѐ уште се живи нивните дела и нивните мисли, но, за жал, живи се и догмите против коишто се бореа.
-Сѐ уште има такви коишто си земаат за право да имаат ексклузивитет врз општите и заеднички добра и се обидуваат да ги потчинуваат и условуваат останатите. Напредокот и добросостојбата се можни само со споделување на заеднички вредности, со давање и со помагање, а не со алчност, себичност и со доминација. Токму тоа најдобро го покажа делото на Св. Кирил и Методиј. Нека ни е честит 24 Мај, Денот на Св. Кирил и Методиј, посочи во честитката претседателот Пендаровски.
Ново на Сител
-
Кинески авиони повторно ја преминаа централната линија во Тајвански Теснец
-
Белата куќа: Борбите во близина на нуклеарната централа Запорожје се опасни
-
Ердоган: Работиме на воспоставување стабилност и просперитет на Балканот
-
Андрулакис бара од Мицотакис да каже зошто бил прислушуван
-
Македонски државјани „гарант” за косовски граѓани во обидите од Драч да заминат за Италија
-
Две лица осомничени за разбојништво во Скопје
-
Николоски: Споменот за загинатите херои е вечен
-
Бесими: Дали ќе има прогресивен данок или не – ќе се одлучи низ јавна дебата