Пендаровски и Димитров на конференција „Балкански дијалози“ во Берлин
Претседателот на Република Македонија Стево Пендаровски и министерот за надворешни работи Никола Димитров, денеска во Берлин ќе учествуваат на конференцијата „Балкански дијалози“.
Пендаровски ќе има обраќање на пленарната сесија на тема „Проширување на ЕУ – неисполнето ветување – што сега?“, а Димитров на сесијата посветена на „Зајакнување на европската перспектива на Западниот Балкан“.
На собирот што што го организираат Минхенската безбедносна конференција, EAST WEST Институтот и Белградскиот фонд за политичка извонредност (BFPE), се очекува да стане збор за неотворањето на преговорите за членство на Македонија и Албанија во ЕУ, иако двете земји ги исполнија задачите што им беа зададени од Брисел, за францускиот предлог за промена на методологијата за пристапување и за потребата од враќање на европската перспектива за земјите од Западен Балкан.
Ќе се разговара и за дијалогот Белград – Приштина и за други актуелни прашања во регионот, а меѓу говорниците се најавени и специјалниот преставник на САД за Балканот Метју Палмер, српската премиерка Ана Брнабиќ, поранешната висока претставника на ЕУ за надворешна политика и безбесност Кетрин Ештон, претседателот на Минхенската безбедносна конференција Волфган Ишингери и амбасадорот на Русија во Србија Александар Боцан-Харченко.
За време на престојот во Берлин, шефот на дипломатијата Димитров, покрај учеството на конференцијата, предвидено е да има средби со претставници од германското Министерство за надворешни работи и од Кабинетот на Канцеларката Ангела Меркел.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка