Свет
27. November 2018 - 22:16

Пеколни горештини во Австралија: Се печат на 42 степени, се закануваат пожари! Погледнете како пржат јајца на сонцето

Најмалку четири куќи се уништени, а стотици луѓе биле евакуирани по пожарот кој го предизвикал топлотниот бран на североистокот на Австралија, соопштиле властите. Огнот зафатил 20.000 хектари обработливо земјиште и шума.
 
Началникот на општината Гледстоум во Квинсленд, Мет Барнет, изјавил дека полицијата ги советува мештаните на заедниците Бафл Кирк, Дипвотер, Ојстер Крик и Рулз Биќ да се евакуираат, но дека некои од нив тоа го одбиваат. 
 
"Кога полициски службеник ќе ви тропне на врата и ќе ви каже дека пожарот се шири, време е да излезете. Во тоа подрачје не е безбедно да се остане", истакнал Нарнет.
 
 
Стотина пожарникари се подготвуваат за влошување на условите кои се очекуваат утре, со очекувани темератури до 40 степени Целзиусови, со ветрови со брзина до 40 километри на час.
 
Директорот на Државното метеоролошко биро, Брус Ган, изјавил дека поголемите подрачја во Квинсленд се изложени на рекордно високи температури во ноември. Тој нагласил дека ваквото време и избивањето на пожари во Квинсленд е вистинска реткост.
 
"Сведоци сме на апсолутно соборување на рекорди стари 60 или 70 години", додал Ган.
 
Комесарот на пожарните и итните служби во Квинсленд, Катарина Керол, изјавила дека обемот на пожарот, кој започнал во сабота, на 24-ти ноември, се проширил на 66 километри.
 
На една снимка од социјалните мрежи се гледа момче кое успеало да испржи јајца во својот двор, и покрај високите температури.
 
Експертите прогнозираат дека бројот на деновите погодени од пожари растат од година во година. Нaместо 11 дена годишно, кога температурите ќе преминат 35 степени, горештините ќе се зголемуваат на 52 дена годишно, до 2090.

Популарно од Свет

Ново на Сител

© 2025 Сител Телевизија