Пекинг затвора 2.500 фирми заради загадување на животната средина
Пекинг годинава ќе затвори 2.500 мали компании, кои се сериозна закана за животната средина, во обид да се избори со загадувањето, пренесе Ксинхуа, повикувајќи се на информации на градските власти.
Загадувањето е чувствителна тема во Кина, каде годишно се организираат илјадници протести заради стравувања од влошување на живорната средина, особено од фабриките.
Од четири реони во престолнината, кои и зимава беа зафатени со задушувачки смог, ќе биде побарано до крајот на годината да затворат 2.500 компании. Планирано е следната година да продолжи затворањето на фирмите загадувачи.
Според неименуван извор, растечкиот број мали извори на загадување, како што се рестораните, хотелите и гаражите, го неутрализираат ефектот од драстичниот пад на загаденоста од големите загадувачи и нагласено еколошки свесните компании во градот.
Минатиот месец Пекинг го прогласи вториот во својата историја „црвен код“ за загадување на воздухот, затвори училишта и забрани градење на отворено.
Министерството за животна средина денеска предупреди дека следната недела во Пекинг, во провинцијата Хубеј и соседната Тјенцин, повторно ќе има густ смог.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево