Патроли за подобрување на асоцијалното однесување во беровските училишта
Формирање училишни патроли со цел скенирање на реалната состојба во врска со асоцијалното однесување на учениците е главниот заклучок од синоќешниот состанок кој се одржа со претставници на воспитно-образовните установи во Берово. На состанокот покрај претставници на ПС од ОН Берово учествуваа претставници од Општина Берово, гимназијата „Ацо Русковски“, деветолеткатата „Дедо Иљо Малешевски“ и подрачното училиште „Никола Петров Русински“.
- Целта на состанокот е да се утврдат мерки за дејствување на асоцијалното однесување на учениците кое во последно време зазема голем замав. По одржаниот состанок можеме да констатираме дека е донесен заклучок да се започне со преземање на мерки преку акциски контроли, од кои како прво е предвидено формирање училишна патрола која ќе излезе на терен за скенирање на реалната состојба, информираа од Општина Берово.
Директорите на трите воспитно-образовни установи информираа дека во училиштата е предвидено одржување на едукативни предавања, како и запознавање на учениците со целта на спроведување на акциите.
Во однос на мерките надвор од училиштата после преземените превентивни мерки за подобрување со состојбата со однесување на учениците на улица и во угостителските објекти кои тие ги посетуваат за време на викенд, инспекциски екипи ќе вршат надзор и ќе бидат преземени одредени казнени мерки.
Популарно од Македонија
Ново на Сител
-
ЦУК: Активни три пожари, еден под контрола и еден изгаснат
-
FLEX CREDIT го зацврстува лидерството со рекордни резултати и 65 филијали низ Македонија
-
Мицкоски: Правиме гигантски чекори во економијата-раст на БДП меѓу 4 и 6 отсто во вториот квартал и историско зголемување на индустриското производство
-
Лишен од слобода битолчанец кај кого била пронајдена марихуана
-
Ѓорѓиевски: 2025 е најуспешната година за капитални инвестиции во историјата на Кисела Вода
-
Во кривопаланечкиот здравствен дом вработени нови 20 лица, од нив 7 лекари и 6 медицински сестри
-
Во националниот парк Шар Планина најдени незаконски исечени букови дрва за огрев
-
Коцевски: Нема политичко влијание врз мојата работа, но Обвинителството се соочува со сериозни предизвици
