Партиите на Трифонов и Борисов со изедначени шанси за прво место на парламентарните избори во Бугарија
Партиите на Слави Трифонов и Бојко Борисов „Има таков народ“ и ГЕРБ-УДФ имаат целосно изедначен рејтинг, покажува последното истражување на јавното мнение, нарачано од Бугарското национално радио, а изработено од Галуп Интернешнл Балкан, пред парламентарните избори во Бугарија, закажани за 11 јули.
Анкетата беше спроведена меѓу 3 и 11 јуни и во неа се наоѓаат и ставоите на граѓаните за санкциите на САД, согласно законот „Магнитски“, како и одбивањето на Слави Трифонов да не се кандидира за пратеник за новото бугарско Национално собрание.
Како што јави дописникот на МИА од Софија, Галуп забележува дека партиите кои минатата година учествуваа во протестите против владеењето на бугарскиот премиер Бојко Борисов ќе имаат мнозинство во 46-тото национално собрание.
Истражувањето покажува дека партијата на поранешниот министер за правда Христо Иванов, прозападната „Демократска Бугарија“, се искачува кон врвот, зголемувајќи го својот рејтинг во последните месеци. Агенцијата забележува дека засега е нејасно дали коалицијата „Бугарски патриоти“ ќе влезе во новиот парламент.
Партијата на Слави Трифонов „Има таков народ“ на изборите може да очекува поддршка од 21,2 отсто од избирачите, ГЕРБ-УДФ на Бојко Борисов од 21 отсто, трета политичка сила останува БСП со 15,9 отсто, „Демократска Бугарија“ би имала 12,1 отсто, Движењето за права и слободи 11,9 отсто, „Стани! Мутри, надвор!” на поранешниот народен правобранител,Маја Манолова 5,8 отсто, а блиску, но надвор од идното 46-то Национално собрание остануваат „Бугарските патриоти ”со 3,5 отсто поддршка меѓу избрачите.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција