Панасоник ги претстави новите ВР-очила

Панасоник ВР се први очила за виртуелна реалност кои нудат поддршка за ХДР-камера. Овде, како додаток, се и техничките драјвери во слушалките.

Компанијата на годинашниот Саем за електроника во Лас Вегас ги претстави своите нови ВР-очила, коишто на корисниците им нудат нешто што навистина изгледа како дел од иднината. За тоа се заслужни и микро ОЛЕД плочките со висока резолуција.

Сепак, производот има и некои ограничувања. ОЛЕД плочките ја ограничуваат сликата и аглите на гледање, па според многумина, тоа е маана што мора да се исправи, доколку Панасоник се стреми кон попрактична примена, за што повеќе да му ја приближи технологијата на виртуелната реалност на обичниот корисник.