„Панамските документи“ од денеска ќе станат достапни за јавноста

Милионите „Панамски документи“, кои предизвикаа огромен скандал поради истечените информации за прикривањето приходи во светски рамки, ќе станат достапни за јавноста од денеска, објави Меѓународниот конзорциум на новинари, кои ги открија тие документи.

Базата на податоци ќе содржи информации за над 200 компании, конзорциуми и фондации, регистрирани во 21 даночни раеви, од „Хонгконг до американската држава Невада“, наведе во соопштение организацијата, со седиште во Вашингтон.

Од почетокот на април, откритијата на „Панамските документи“ предизвикаа голем број истраги во светот и доведоа до оставка на премиерот на Исланд и на шпански министер.