Палестинците бараат резолуција во СБ на ОН против ширење на еврејските населби

Палестинците бараат од Советот за безбедност на Обединетите нации да усвои резолуција, која ќе биде своевидна „закана за последиците“, доколку Израел продолжи со изградбата на еврејските населби на нивните територии. 

Палестинскиот амбасадор во ОН, Ријад Мансур го обвини синоќа Израел за континуирано кршење на меѓународното право. 

- Глобалните повици за прекин на израелската изградба на населби и злосторствата против Палестинците мораат да бидат поткрепени со сериозни практични мерки, со цел да се издејствува израелското почитување на правата, рече Мансур на седница на Советот на ОН. 

Мансур оцени дека конечната изградба на населбите и повлекувањето од палестинските територии по пет децении окупација е „императив за постигнување на праведен, траен и сеопфатен палестинско-израелски мир“. 

Израелскиот амбасадор во ОН, Дани Данон не ги спомена населбите, туку ги критикуваше антиизраелските односи со ОН, предупредувајќи дека таквата резолуција ќе биде еднострана.