Пакистанскиот Врховен суд го испитува потеклото на имотот на премиерот Шариф
Пакистанскиот Врховен суд започна постапка за испитување на потеклото на парите и богатството на премиерот Навиз Шараф, откако опозицијата и медиумите го обвинија за корупција и бараат од него да открие како го стекнал имотот.
Судската постапка доаѓа откако истражните власти објавија дека семејството на Шараф не го открива изворот на парите со кои располага и потеклото на имотот што го има купено.
Истрагата започна по објавувањето на „Панамските документи“, од кои се дозна дека децата на премиерот биле поврзани со оф-шор компанија кога ги купувале становите во Лондон.
По тоа откритие во пакистанската јавност се појавија обвинувања дека станува збор за компанија која се користи за „перење на пари“ за да се сокрие изворот на средствата.
Шараф ги демантира ваквите обвинувања, објаснувајќи дека становите во британскиот главен град се „легално купени“ и дека тој лично не располага со ниту еден од нив.
Тој ги обвинува опозицијата и медиумите, но и целата досегашна истрага дека сите обвинувања против него се „политички мотивирани“.
Опозицијата, пак, не верува во објаснувањата на премиерот и бара од него да поднесе оставка, затоа што, според неа, целото семејство ја користело позицијата на Шараф и политичкото влијание што тој го има за богатење на нечесен и нелегален начин.
Навиз Шараф засега одбива да се повлече од премиерската функција, но аналитичарите во Исламабад веруваат дека тоа ќе зависи од одлуката на Врховниот суд.
Полицијата денеска ги блокираше приодите кон зградата на Судот и постави бодликава жица, во обид да спречи евентуално насилство, обид за навлегување во зградата и судири на приврзениците и противниците на осомничениот премиер.
Ново на Сител
-
Во Скопје е пронајдена малолетничката за која беше пријавено дека била одземена од Охрид
-
Кандидатите на локалните избори ќе можат да се рекламираат на 329 медиуми
-
Приведени три лица за управување возило под дејство на алкохол
-
Приведен 36 годишник, возел со 252 километри на час на место каде е дозволено 120
-
Приведена 22 годишна прилепчанка, при претрес на нејзиниот дом најдена е дрога
-
ЦУК: Активни пожари нема, под контрола тој во природниот резерват Јасен
-
Алиу: Воведовме нов електронски модул за транспарентен преглед на донации во здравството, со дигиталните решенија го отвораме системот пред јавноста
-
Сообраќајот надвор од градските средини е зголемен, на ГП Табановце за излез се чека околу 10-15 минути